Þrif og rok!!

 

Æ hvað er eitthvað haustlegt hljóð úti núna, samt er sól og frekar heitt úti þannig að ég botna bara ekkert í þessu. Það er allavegana sól og það skiptir öllu. Nú erum við heima saman ég og litla snúllan mín sem er að verða svo stór að hún er að skipta um leikskóla. Hún er að byrja á leikskóla stóru systur og finnst það nú ekki leiðinlegt og ekki stóru systurinni heldur. Samr er alltaf ákveðinn aðlögunartími sem þarf að fara í gegnum þannig að hún var til hádegis í dag og við því að snúllast saman heima. Hér hefur líka margt legið á hakanum undanfarnar vikur og ágætt að ná því upp...tiltekt í fataskápum..geymslu og endalaus þvottur sem ég skil ekki hvaðan kom því að skáparnir eru fullir af fötum líka!! Kannski ábending um að fara að henda gömlum fötum eða hætta að kaupa sér ný ..veit ekki alveg!!!   Ef ég hefði ekki nælt mér í ainhverja leiðindaflensu þá væri ég nú ekkert að brasa við þetta í góða veðrinu..en svona er þetta stundum. 

Er að hugsa um að leifa þessu húsmæðrahlutverki að ná hápunkti sínum núna á eftir og baka sjónvarpsköku og pönnukökur með kaffinu....sérstaklega þar sem ég var að fá mér nýja kaffivél! Maður verður nú að skapa vígslu hennar sérstaka veislu

Eiríkur Vernharðsson færði mér að gjöf ljóðabók sem hann lét prenta út og ber heitið "Athyglisvert" og það má með sanni segja að efni bókarinnar sé athyglisvert og ég mæli með því að fólk reyni að nálgast þessa bók og lesa ljóðin hans því þau eru einstök. Ég læt hér eitt fylgja:

Blóm.

Lítið blóm í hjarta mínu

þarf litla vökvun

og skín kærleika á allt og alla

Líka til mín

Þetta blóm þarf að fóðra og næra

Maður hellir yfir sig ljósi lífsins

og færir kærleikann inn í hjarta sitt

að blóminu

og það eflist og styrkist

Þetta hef ég að gefa

fegurð blómsins.  

Athugasemdir

[Sunna Dóra Möller, 4.6.2008 kl. 14:58]

Svona á að gera þetta: Henda öllu gömlu og næstum því gömlu og kaupa ný ! Ekki hætta að kaupa ný og vera í gömlu....það er alveg galið sjáðu til !

Fallegt ljóð !